مهاجل الرواااح

وروّح الليل وارواحه
وأسألك لاتجرحه
وروّح الليل من جنابه
حن قلبي واتعبه
وروّح الليل روّحو الغود
عرفهم جاوي وعود
المسك والعنبر قداهم
والزباد ينفح لهم
وروح الليل يامحنا
ياشبيه عود القنا
عود القنا ما احسن ملاغاته
يشابه قامته
عود القنا رابي على ماء
لو ضرب ريح اجتنا
وروّح الليل روّحوا الناس
مابقى إلا أبو نواس
وروّحوا كل المحبين
القراب والمبعدين
وروّحوا الناس بالسلامة
وانت يالمحبوب لمه؟
وروح الليل ليلك اغلس
ياغلام شد عا الفرس
ومرفع الدولة يمسي
بالليالي المغلسِ
ومرفع الدولة يُمسّي
من تعز لايفرس
وروّح الليل للحقيبة
والجهيش بالشاجبه
روّح معانا لو تُشانا
كن اجي لعندنا
روّح معانا يا ابلج الخد
يازغير ياولد
روّح معانا يا ابلج الخدين
ومروي الساعدين
روّح معانا الليلة ترويح
هزني الشوق للمليح
روّح معانا الديك مذبوح
والعشاء قاهو لحوح

مشكووووووووور اخي ادمن على الموضوع وربي حلو وجميل
منتظرة جديدك
احترامي لك

» مهاجل(زوامل) الزراعة